རང་རེའི་ཡིག་གཟུགས་འབྲི་སྟངས་དབུ་ཅན་དང་དབུ་མེད་ཁྲོད་ནས་ང་ཚོས་ཕྱི་མ་དེ་ཟོར་ཡང་བའི་སྤྲོས་མེད་ཡིག་གཟུགས་ཀྱི་རྣམ་པ་ཇུས་འགོད་བྱེད་པར་འཚམ་པས་དེ་རྨང་གཞིར་བཟུང་བ་ཡིན།

ཐོག་མར་ཡིག་གཟུགས་གསར་པ་འདི་སྤྱི་ཚོགས་འཚོ་བའི་ཕྱོགས་སོ་སོར་སྤྱོད་བདེ་བའི་ཆེད་དུ་ཇུས་འགོད་བྱས་པ་ཡིན་པས། གོ་ཆོད་པ་དང་ལས་ཆོད་ཆེ་བ་ནི་ང་ཚོའི་རེ་བ་་ཡིན། དབུ་མེད་ནི་བྲིས་མགྱོགས་པའི་ཡི་གེ་འབྲི་སྟངས་ཞིག་ཡིན་པའི་ཆ་ནས་བོད་ཡིག་སྟབས་ཇེ་བདེ་དང་གོ་ཇེ་ཆོད་འགྲོ་བའི་འཕེལ་རྒྱས་ཁ་ཕྱོགས་དང་མཐུན་པ་མ་ཟད་ང་ཚོས་ཡིག་གཟུགས་གསར་པ་འདི་བཟོ་བའི་ཀུན་སློང་དང་ཡང་མ་གྲོས་རང་མཐུན་རེད།

དེར་ཐད་དབུ་མེད་ལ་རང་སྟེང་ནས་སྐོང་ཡིག་སོགས་ལྟོས་བཅོས་བྲི་བདེ་བའི་རང་བཞིན་ལྡན་པ་དང་ཕྱི་རྣམ་པའི་ཆ་ནས་ལ་ཏིང་（Latin）ཡིག་གཟུགས་དང་ཡང་ཅུང་འདྲ་ཆགས་པོ་ཡོད་པ་དང་ང་ཚོས་ནུབ་གླིིང་གི་ཡིག་གཟུགས་ཇུས་འགོད་ཐད་ཀྱི་ཉམས་མྱོང་རྣམས་ཡིག་གསར་འདིའི་ཇུས་འགོད་ཐད་ལའང་གོ་ཆོད་སོང་ལ། ད་དུང་བྱ་རིམ་སྒྲིག་བཀོད་ཐད་ནས་ཡང་ལས་ཚགས་མང་པོ་ཞིག་ལ་གཡོལ་ཐུབ་པ་བྱུང་།